Ευχές στα ποντιακά για το 2017! Γιώτα Ιωακειμίδου

Γράφει η Γιώτα Ιωακειμίδου 

Ευχές στα ποντιακά ...για όλους εσας τους φίλους μου

(πόντιους,φιλοπόντιους και ...καταποντισμένους)

Πολλά καλά να ελέπ'ς.
Υείαν και ευλογίαν και καλόν χρονίαν.
Ο Θεόν να δι τα εφτά ευλογίας.
Ο Θεόν να κόφτ' τα χρόνα μ' και να δί' ατα εσέν.
Τη πουλί το γάλα να δί' σε ο Θεόν.
Τη γατά σ' να παίρω. (Την κακή σου μοίρα να πάρω)
Ν' αγιάζ' το στόμα σ'.
Τη ευχή μ' να έης.
Τη ευχήν τη Χριστού και τη Παναΐας να έης.
Τούτζ να πιάντς και μάλαμαν να ίνεται.
Το ποδάρι σ' σο λιθάρ' να μη παιρ'. (Να μην σκοντάψει το πόδι σου σε πέτρα)
Το καλόν τ' εφτάς ο Θεόν να φέρ' εμπρά σ'.
Χαλάλ να είν' ταμακά μ'. (Χαλάλι να είναι οι κόποι μου)
Να ζήτε και να συγηράτεν.
Ο Θεόν να δι όλα τα καλά.
Να ζεις και να χαίρεσαι.
Να μη ομματάσκεσαι.
Ο Θεόν να δί' σε ντο θέλτς και ντ' αγαπάς.
Ο Θεόν να βρέχ' και συ να σερεύς.
Ο Θεόν τ' έμπρα σ' μέλ' και γάλαν να 'φτάει.
Όσον τα μαλλία μ' χρόνα να ζείς.